Pink Floyd bashkë për një koncert?

Bateristi i “Pink Floyd”, Nick Mason, ka vendosur ta pranojë ofertën e Roger Waters që t’i bashkohet grupit për një koncert të vetëm- mirëpo këtë do ta bëjë vetëm për bamirësi.

Rokerët legjendarë herën e fundit së bashku performuan në Londër në vitin 2005, ndërsa në korrik të këtij viti Waters dhe David Gilmour bashkuan forcat për një koncert të vogël bamirësie.

Duke vlerësuar performancën e fundit, Waters ka thënë se do t’i pëlqente që të bashkohej me anëtarët e gjallë të bendit për të mbajtur një koncert spektakolar, përfitimet e të cilit do të jepeshin për bamirësi.

“David dhe Nick dhe unë mund ta bëjmë një koncert diku, por nuk ka gjasa që të bëjmë turne…”, ka thënë Waters.