Zanfina: Mundohem të kaloj kohë me familjen

Zanfina Ismaili ka treguar se dita e saj është shumë e mbushur me obligime rreth profesionit të saj, por në momentin që ajo gjen kohë të lirë, mundohet t’ia kushtoj atë familjes.

“E tëra varet se a është e mbushur me obligime rreth profesionit, sepse kur është atëherë tërë ditën jam duke vrapuar nga frizeri tek grimerja dhe kështu. Ndërsa kur nuk kam obligime atëherë më së shumti jam me familjen apo edhe me shoqëri duke bërë gjëra të zakonshme, shëtitje, kafe etj”, ka pohuar Zanfina në një prononcim për Telegrafi.com.

Këngëtarja seksi ka treguar se ka shumë momente të mira të jetës së saj, por nuk mundet ta veçojë asnjë.

“Kam pasur momente të mira në jetë, por askush deri më tani nuk më ka bërë të qaj nga gëzimi. E kam një përshtypje që ende nuk ka ndodhur”, është shprehur Zanfina.

Kur është pyetur se cilat janë anët negative dhe pozitive të saja, Zanfina është përgjigjur: “Anë pozitive është butësia ime gjithmonë me njerëzit që sillen po njësoj, ndërsa anë negative do ta quaja vetinë time hakmarrëse që asnjëherë si harroj gjërat e këqija që më janë bërë”.

Zanfina ka treguar se projekt i ardhshëm i saj muzikor është realizimi i një kënge të re me disa bashkëpunëtorë të rinj, dhe duke u angazhuar për xhirimet e vitit të ri.